A Deputación da Coruña, por medio do seu programa FOIE 2017 (Convocatoria do programa de subvencións a entidades sen fins de lucro para o investimento de servizos sociais), subvencionou o Proxecto de Mellora dos accesos ó Centro Ocupacional e Centro de Día ASPADEX, co obxectivo de repoñer o pavimento xa deteriorado polos anos de uso.
Os obxectivos desta mellora son:
- Mellorar a accesibilidade, eliminando aceras estreitas, baches, cambios no firme… favorecendo que as persoas con limitacións físicas ou sensoriais poidan desprazarse polo entorno dos Centros de forma autónoma e sen riscos
- Mellorar a accesibilidade: acceso ós vehículos, baixada dos mesmos
- Evitar posibles danos nos vehículso derivados do mal estado do firme (baches, irregularidades…)
- Mellorar a imaxe nos accesos ó Centro (para visitas, outras entidades,..)
Con esta obra preténdese mellorar a calidade dos servizos prestados tanto no Centro Ocupacional como no Centro de Día ASPADEX.